لما الحجر
لما الحجر اترمى و بقا حر وسط الهوا
خبط دماغ متظاهر كان حلمه يبقا حر
مفهمش ان حريته هى ضد ضرب الحر
و الخبطة جات فى الننى و اتحولت لنزيف
وعالقناة الاولى ...اول ما اشافو الصورة
وقف مذيع لميع و قال دا شكله سخيف
وعالقناة الاولى ...اول ما اشافو الصورة
وقف مذيع لميع و قال دا شكله سخيف
و الدم دا شربات و والواد دا شكله عميل
و راح مثبت كاميرا على كوبرى قصر النيل
وسابه ينزف ..
بس الولد مصرخش ..ولا حتي خد باله
مهو طول ما تحت الشمس الدنيا بقايله
و لسانه مسكتش ..صرخ يهتف بحرية
وهتافه كان حجر ..المرادى جه فيا
"لشعب يريد اعدام السفاح "
"لشعب يريد اعدام السفاح "
فضل يصرخ بهتافه و الدم كان سايل
و كأن الموت واقفله ودا عليه بيتحايل
يا خسارة على دا شاب مخافش يوم مالخطر
يا خسارة على دى روح تبقا نصيب البشر
اصلى البشر بتموت و سيرتهم كمان بتضيع
مهو زى ما هتشترى ..هتمضى عقد البيع
و دا كان شهيد جديد ..ما تعد يا عداد
و إدى خبر للساعة تزيد الدقيقة حداد .
الله عليك .. ف انتظار المذيد
ردحذفلو دي أول تجربة فأنا هستني الوقت اللي يجي تهديني فيه أول ديوان ليك عليه إهداء شخصي :))
ردحذفIt's good Start ya Mohamed estamer,,keep it up
ردحذفاول تجربه يا فنان فى الزجل تقريبا لا اتذكر اسم بالتحديد
ردحذفلا تعليق اقول ايه؟؟؟؟؟؟
تحياتى|انت تعرف من
lمؤلمة في صدقها :(
ردحذفجميلة و ألفاظها منتقاة بعناية :)
ردحذف